Addik

Sa tuwing umaaligid

itong mapang-akit mong halimuyak

ay hinahangad ka,

nitong mapagnasa kong mga labi.

Hinahanap kang muli,

ng nangungulila kong mga kamay

at pagkuwa'y kumakapa...

At sakaling di ka mayapos,

ay nababaliw itong mga bigong daliri.

Balahibo'y tumitindig.

at bigla'y nanginginig.

Sumisirit sa utak

ang dulot mong

ilang bugang ligaya.

Ang hirap talaga.

Pag nauubusan

ng sigarilyo sa bulsa.

Addik by Mardie Sindayen on Thursday, 8 September 2011 on FACEBOOK NOTES